Në dt. 6 Prill 2023, me rastin e Ditës Botërore të Aktivitetit Fizik, Qendra Kërkimore Shkencore për Shëndetin Publik, pranë  Fakultetit të Shëndetit, Universiteti ‘Ismail Qemali’ Vlorë, zhvilloi aktivitetin promocional me temë “Të jetosh mirë! Qëndro aktiv!”.

Këtij aktiviteti sensibilizues iu bashkuan edhe studentët e vitit të dytë Infermier i Përgjithshëm dhe Mami Infermier të Fakultetit të Shëndetit,

Ky aktivitet u realizua në trajtën e një marshimi sensibilizues, me nisje nga Fakulteti i Shëndetit drejt shëtitores Lungomare dhe synoi ndërgjegjësimin e komunitetit në lidhje me rëndësinë e aktivitetit fizik dhe benefitet e tij në shëndet, rolin e tij në mbajtjen, ruajtjen dhe përmirësimin e shëndetit, në parandalimin e sëmundjeve, në përmirësimin e cilësisë së jetës, për një jetë sa më të gjatë dhe një plakje sa më të shëndetshme.

 Sedentarizmi apo inaktiviteti fizik është një nga faktorët kryesorë të rrezikut për vdekshmërinë në mbarë botën dhe faktor rreziku kryesor për sëmundjet jo të transmetueshme (SJT) si: sëmundjet kardiovaskulare, kanceri dhe diabeti. Aktiviteti fizik ka përfitime të rëndësishme shëndetësore dhe ndihmon në parandalimin e SJT.

Në mbarë botën, 1 në 4 të rritur nuk ka një nivel të mjaftueshëm të aktivitetit fizik.

Më shumë se 80% e popullsisë adoleshente në botë nuk kanë një nivel të mjaftueshëm të aktivitetit fizik.

 Aktiviteti fizik përfshin të gjitha lëvizjet trupore që mobilizon muskujt dhe shpenzon energji.

 Llojet e aktivitetit fizik: ecja, ngjitja e shkallëve, puna, vallëzimi, noti, yoga, puna në kopsht, ecja me biçikletë, loja tenis, futboll, basketboll, etj.

 

Benefitet e aktivitetit fizik:   Aktiviteti fizik përmirëson:

o   Shëndetin kardio- respirator (sëmundjet koronare të zemrës, sëmundjet kardiovaskulare, aksidentet cerebrovaskulare, hipertensioni).

o   Shëndetin metabolik (diabeti dhe obeziteti).

o   Shëndetin e sistemit muskulo- skeletik (shëndeti i muskujve, kockave, osteoporoza).

o   Kanceret (kanceri i gjirit, kanceri i zorrës së trashë).

o   Shëndetin funksional dhe parandalimin e rrëzimeve dhe frakturave.

o   Depresionin.

o   30 minuta aktivitet fizik i moderuar në 5 ditë ul 50% rrezikun për sëmundje si: sëmundjet kardiovaskulare, diabeti, obeziteti, mbipesha, osteoporoza, kanceri i kolonit, etj

Aktiviteti fizik zgjat jetën

1. Sportet në grup që zgjatin jetën

–       Loja tenis mund të zgjasë jetën me 9.7 vjet

–       Badminton me 6.2 vjet

–       Futbolli me 4.7 vjet.

1. Sportet vetjake që zgjatin jetën

–       Noti mund të zgjtë jetën me 3.4 vjet,

–       Vrapimi me 3.2 vjet dhe

–       Palestra me 3.1 vjet

Këshilla për një jetë aktive

1. Ecni 30 min në ditë, 10.000 hapa në ditë duke përdorur pedometrin.
2. Gjeni  sportin që  përshtatet me stilin tuaj të jetesës.
3. Realizoni aktivitete në grup, përfito nga koha me miqtë dhe familjen.
4. Harrojeni ashensorin, shkallët janë zgjedhja më e mirë.
5. Evitoni qëndrimin ulur për një kohë të gjatë, lëvizni.
6. Bëni aktivitete që ju tërheqin, derisa ato të bëhen pjesë e juaja ditë pas dite.
7. Gjeni disa minuta në ditë për të bërë zgjatje/stretching, përmirësoni higjenën tuaj posturale.